والله اني مدري كيف الوضع هذا يستمر

والله اني مدري كيف الوضع هذا يستمر

جيت ضايع..؟

دوري بي
شي واقع
غير ظلمك والخيال
غير أحلام الليال
وصورتك!

موعد الإفطار /وأحساسك/ ولا
موعد الأمطار/ واحساسي/وإيه

وينها هـ الإيه/والا
وينك أنتي

علميني كيف أجيك بدون ما تشوفي رجوعي!
علميني
علميني كيف امر الناس وانتي كلهم..
علميني..كيف أمرك..دون كل الناس..وانتي
فوق كل الناس إنتي..
علميني..كيف أنام ولا أخاف الحلم مثلك وأنتظر..
علميني كيف أجهل كل هالظلمآ وافتِّح نص عيني واسرقك.
من بصيص النور لا هز الزوايا
من كثير الليل لاموّت مرايا

ودوّري بي...
صوت يشبه هـ الشتا...
سمع يشتاق لـ متى..
والصدى آخر دفاه...
واوله آخر مداااه

ودوِّري..
بعدها نادي عيونك...
سولفي عنها أغاني والكحل..
لايمر بلا عيوني لا نظرتك..
لانطرتك..
في سواحل ماسكنها غير نورس غيبتك..
لاهجرتك من بكاااااي..
من عيون الناس واحساسٍ وراااي..

ماتركته عمد / وانتي..
ماخذيتي قصدي الواضح ولنتي..

علميني..
كيف اشيل الصبح وانسى لـ احترق..
كيف اشيل الغيم واذكر بك غرق..
علميني كيف أفرّق
بين شوقي لاصبرت..
وبين صبري لاتعبت أشتاق فيني
وانكسرت..؟؟؟

علميني كيف ابوح..
ووين بعدك لو بغيت اشتاق ارووح..

آآه ياضيق جْسدي..
ماقدرت أطلق دموع..
ولا قدرت أحبسك روح..

و آآه منك..
لامشى هالشوق فعروقي غريب..
لاديار..
ولاخيار..
ولا طريق يمر صوتك من قريب..

والله اني مدري كيف الوضع هذا يستمر..
لاني قادر فيك اعيش
ولاني قادر عنك اعيش
وآخرتها
كيف أوفِّق بين تحصيل انتكاسه..
وبين شوقٍ انت كاسه..
ما امتلى..
من سببك..؟؟

قولي ابك..
والله اني من عرفتك..
وآنا جرحٍ ما كتبك

ولا قدرت اقراك أصلاً
منك أحس الصمت شماعة بكا..
والكلام ثياب
والعتاب ثياب
والسحاب غياب لكن لو شكى
منك احاول
اترك الأمطار تملى جمجمة حزني نشيج
وأمطرك..

لا تعلميني..كيف أجف..
خدِّي أدرى بساكنينه..
وأنتي أدرى بكل رف فمحجرك..
ماترك لي دمع حتى لو هديَّه..
وسامحيني لو تركتك بـ اعترف...

وعلميني لاا تركتك علميني

» غيــاابك , والله حطمني وكل جرح فيني انـهـان
» والله أغرب قصة ستسمعها في حياتك الشيخ عبد المحسن الأحمد